Lo site en :

Menu Principal

Engenhariá Web

Las nombrosas tecnologias mestrejadas per Ligams son al vòstre servici :

• xHTML/CSS
• Zend PHP
• Microsoft .NET
• SGBD : MySQL, PostgreSQL, Oracle
• Ajax
• Xml / XSL
• Flash e ActionScript

xHTML e CSS

L’HTML es un lengatge de descripcion per las paginas Web. Es compausat d’una tièra d’etiquetas al dedins de las qualas son inclusas de propietats de mesa en forma.
Aqueles lengatges son utilizats per totes los sites web e son executats dins lor partida publica. Los saber mestrejar es essencial per concebre de sites Internet optimizats pel referenciament, tot en respectant las règlas d’accessibilitat.

Zend PHP

Es un lengatge utilizat per mai de 50% dels sites Internet professionals. A l’avantatge de comportar una comunautat mai que bèla, e de bibliotècas de desvolopament ricas e completas. Se pòt afortir qu’es vengut uèi la referéncia en matèria de lengatge web, e es plan en avança sus sos concurrents.

Microsoft .Net : asp.NET / Csharp

Microsoft .NET (de prononciar DotNet) es lo nom per tot un ensemble de produches e de tecnologias de l’entrepresa Microsoft, que la màger part dependon del framework.NET.
Recentament, Microsoft tornèt pensar lo « vièlh » ASP. Se pòdon ara escriure de còdes ASP.net en utilizant quin lengatge de programacion que siá s’es suportat pel Framework.NET, Csharp per çò que nos concernís, mas tanben de lengatges Open Source coma Perl e Python.

Sistèma de Gestion de Basa de Donadas

Ligams utiliza los SGBD mai corrents, MySQL, Oracle e PostgreSQL.

Javascript / Ajax

JavaScript es aquí per enriquesir las possibilitats del còde HTML gràcias a una foncion de contraròtle dinamic del navegador o del còde HTML el meteis. Aquel còde JavaScript se pòt integrar dirèctament dins lo fichièr HTML o pòt èstre externalizat.
L'Ajax permet d’executar de requistas servidor sens aver mestièr de tornar cargar una pagina.

XML / XSL

XML es un lengatge de descripcion de contengut. XSL es lo lengatge de descripcion per las fuèlhas d’estile de W3C associat al lengatge XML. Aquò permet de generar de paginas HTML a partir d’una descripcion de contengut XML.

Flash / Actionscript

Permet de fargar d’animacions vectorialas complèxas e dinamicas en tot limitar lo temps de telecargament. Permet tanben d’integrar de videos en Streaming, jos la forma de podcast (coma utilizat sus Dailymotion o Youtube).
Adobe a tanben enriquesit sas bibliotècas en prepausant AIR, una librariá mesa a dipausicion per generar d’aplicacions en fenèstras (Gadgets Windows o Mac) a partir de Flash.